بیلجیئم اور فرانس کے بعد سویٹزرلینڈ میں بھی نقاب پر پابندی

جنیوا : پورپی ممالک بیلجیم اور فرانس کے بعد سویٹزرلینڈ نے بھی نقاب پر پابندی لگادی۔ سویٹزرلینڈ کی پارلیمنٹ قومی کونسل کے 151 ارکان نے چہرہ ڈھانپنے والے برقعے جیسے ملبوسات کے قانون کے حق میں ووٹ دیا جبکہ 29 ووٹ اس کی مخالفت میں پڑے۔ دو سال قبل ملک گیر ریفرنڈم کرایا گیا تھا۔ جس میں سوئس ووٹروں نے نقاب اور برقعوں کے ساتھ ماسک پر پابندی کی حمایت کی تھی۔ اس کے بعد ہی پابندی سے متعلق قانون کو منظور کیا گیا ہے۔ اس قانون کے تحت اب عوامی مقامات اور عوام کے لیے قابل رسائی نجی عمارتوں پر ناک، منہ اور آنکھوں کے ڈھانپے جانے کی ممانعت ہو گی۔ قانون کی خلاف ورزی کرنے والوں کے لیے 1,000 سوئس فرانک جرمانہ مقرر کیا گیا ہے۔