Raza Musani 
کابل : افغانستان نے مختلف شہروں میں افغانوں کی گرفتاریوں اور ہراسانی پر پاکستان سے احتجاج کیا ہے۔ افغان وزارت خارجہ نے کہا ہے کہ سندھ خاص طور پر کراچی میں افغان مہاجرین کو ہراساں اور گرفتار کیا جارہا ہے۔ پاکستان افغانستان کا قریبی ہمسایہ ملک ہے۔ دونوں ممالک میں اسلامی بھائی چارے اور مشترکہ ثقافت کے علاوہ بہت سی مشترکات ہیں۔ پاکستان میں لاکھوں افغان پناہ گزین مقیم ہیں جو میزبان ملک کی ترقی اور معاشی نمو میں بھی اہم کردار ادا کر رہے ہیں۔ اسلام آباد میں افغان سفارتخانے نے کہا کہ پاکستانی پولیس نے ڈیڑھ ماہ میں 1,250 سے زائد افغان مہاجرین کو حراست میں لیا ہے۔ جس میں 400 ایسے مہاجرین بھی ہیں جن کے پاس قانونی دستاویزات موجود ہیں۔ پاکستانی حکام کے ساتھ اعلیٰ سطح پر اس مسئلے کو حل کرنے کی کوشش کررہے ہیں۔
