یمن پر اسرائیلی حملے میں 9 افراد شہید، 100 سے زائد زخمی

صنعا : یمن پر اسرائیلی حملے میں نو افراد شہید اور ایک سو اٹھارہ زخمی ہوگئے۔ اسرائیلی جنگی طیاروں نے یمن کے دارالحکومت صنعا اور الجوف کے مختلف مقامات پر بمباری کی۔۔ جس سے کئی مکانات تباہ ہوگئے یا انہیں نقصان پہنچا۔ حملے میں صنعا کے رہائشی علاقے میں بعض مکانات کو نشانہ بنایا۔ کئی افراد ملبے تلے دبے ہیں جس سے شہادتوں میں اضافے کا خدشہ ہے۔
یاد رہے کہ اسرائیلی فوج نے حالیہ مہینوں میں حوثی مجاہدین کے اسرائیل پر میزائل اور ڈرون حملوں کے جواب میں یمن بھر میں مختلف مقامات پر کئی فضائی حملے کیے ہیں۔ تاہم یمن نے کہا ہےکہ قربانی سے دریغ نہیں کریں گے اور کسی صورت غزہ اور فلسطینیوں کا ساتھ نہیں چھوڑیں گے ۔