Raza Musani 
مشہد :ماہ صفر کے آخری ایام میں شہادت رسول کرم(ص)، امام حسن ع اور امام رضا ع کی مناسبت سے مشہد میں حرم امام رضا علیہ السلام پر سیاہ بینرز کی تنصیب شروع ہوگئی ہے۔ رواں سال صفر کے آخری ایام میں 70 سے 80 لاکھ زائرین کی مشہد آمد متوقع ہے۔ جن میں سے ایک لاکھ سے زائد وہ زائرین ہونگے جو مختلف شہروں سے کئی دن کی پیادہ روی کرتے ہوئے مشہد پہنچیں گے۔ خراسان رضوی ہوٹل اونرز ایسوسی ایشن کے سربراہ آقائے محمود شاہیان کے مطابق اس وقت مشہد مقدس کے ہوٹلز اور گیسٹ ہاؤسز میں 70 فیصد اکوموڈیشن پوری ہوچکی ہے جبکہ آخری 3 دن کیلئے مشہد کے تمام ہوٹلز کی 100 فیصد ریزرویشن ہوچکی ہے۔ مشہد مقدس کے میئر کا کہنا ہے کہ ماہ صفر کے آخری ہفتے میں تمام سرکاری اسکول اور یونیورسٹیاں بند ہونگیں اور زائرین کی بڑھتی ہوئی تعداد کو دیکھتے ان اسکولوں اور یونیورسٹیوں میں ان کے قیام کا بندوبست کیا جائے گا۔ پارکوں میں بھی زائرین کے عارضی انتظامات کئے جارہے ہیں۔
