غزہ پر اسرائیلی حملوں میں 78 فلسطینی شہید، درجنوں زخمی

غزہ: صیہونی فوج نے غزہ پر زمینی اور فضائی حملوں کے دوران چوبیس گھنٹوں میں خواتین اور بچوں سمیت اٹہتر فلسطینی شہید کردئے۔ جبکہ قحط سے متاثرہ مزید چار فلسطینی زندگی کی بازی ہار گئے۔
اسرائیلی فوج نے الشاطی پناہ گزین کیمپ کے قریب گھر کو نشانہ بنایا جس کے نتیجے میں حاملہ خاتون سمیت پانچ افراد شہید ہوئے۔ النصر اسٹریٹ خیموں پر گولہ باری سے کئی قیمتی جانیں ضائع ہوئیں۔ الصابرہ محلے میں شہریوں کے گروپ پر حملے میں سات فلسطینی شہید ہوگئے۔ دیر البلاح اور خان یونس سمیت دیگر علاقوں پر بھی زمینی اور فضائی حملے کئے گئے۔ صیہونی حملوں میں شہید فلسطینیوں کی مجموعی تعداد تریسٹھ ہزار پانچ سو سے تجاوز کرگئی ہے۔ جبکہ ایک لاکھ ساٹھ ہزار افراد زخمی ہیں۔