اسرائیلی فورسز کی فائرنگ سے مزید 4 فلسطینی شہید، متعدد زخمی

جنین : اسرائیلی فورسز کی فائرنگ سے مزید 4 فلسطینی شہید اور متعدد زخمی ہوگئے۔اسرائیلی فوج نے جنین میں فلسطینی مہاجرین کے کیمپ میں آپریشن کیا۔ لوگوں کو گھروں میں محصور کرکے تلاشی لی۔ سرچ آپریشن کے دوران اسرائیلی فورسز اور فلسطینی نوجوانوں میں جھڑپیں ہوئیں۔ فوجی اہلکاروں نے گولیاں مار کر 4 فلسطینوں کو شہید اور متعدد کو زخمی کردیا۔ مختلف علاقوں میں فلسطینیوں نے اسرائیلی فورسز کی پابندیوں کو توڑتے ہوئے اور جان کی پرواہ نہ کرتے ہوئے سڑکوں پر نکل کر اسرائیلی مظالم کے خلاف احتجاج کیا۔