Raza Musani 
واشنگٹن : امریکی سینیٹ کی خارجہ اُمور کمیٹی کی سماعت کے دوران غزہ جنگ میں اسرائیلی حمایت کے خلاف احتجاج کرنے پر دو سابق فوجی اہلکاروں کو گرفتار کرلیا گیا۔ گرفتار کئے گئے سابق فوجیوں میں متنازع غزہ ہیومینیٹیرین فاؤنڈیشن کے وسل بلوور انتھونی اگویلر بھی شامل ہیں۔ جنہوں نے انکشاف کیا تھا کہ جی ایچ ایف کے مسلح اہلکاروں نے غزہ میں امداد کے دوران جان بوجھ کر نہتے فلسطینیوں پر گولیاں چلائیں اور جنگی جرائم کیے۔
سابق فوجی انٹیلی جنس اینالسٹ جوزفین گلِبو نے آواز بلند کرتے ہوئے کہا کہ اسرائیل غزہ کو نسلی طور پر صاف کررہا ہے۔وہ اسے کنسٹرکشن کیمپ بنا رہا ہے۔
دونوں اہلکاروں کا کہنا تھا کہ امریکا غزہ میں جاری نسل کشی میں اسرائیلی حکومت کا شریکِ جرم ہے۔
خارجہ اُمور کمیٹی کے چیئرمین جیمز رِش نے دونوں اہلکاروں کو جیل بھیجنے کا حکم دیا۔ پولیس انہیں ہتھکڑیاں لگا کر باہر لے گئی۔ چند گھنٹوں کے بعد دونوں کو رہا کردیا گیا۔
