Raza Musani 
ابوجا: شمالی نائیجیریا میں شادی سے واپس آنے والی باراتیوں سے بھری کشتی اُلٹنے سے 103 افراد ہلاک ہوگئے۔ کشتی کا حادثہ دریائے نائجر میں کوارا ریاست کے پتیگی ضلع میں پیش آیا۔ شادی کی تقریب سے واپسی پر گنجائش سے زیادہ افراد کشتی میں سوار ہوگئے۔ متاثرین میں خواتین اور بچوں کی بڑی تعداد شامل ہے۔ مقامی افراد نے بتایا کہ حادثہ صبح 3 بجے کے قریب پیش آیا جس کا علم کئی گھنٹوں بعد ہوا۔ مقامی افراد نے اپنی مدد آپ کے تحت سو کے قریب افراد کو بچالیا۔ زندہ بچ جانے والوں کی تلاش ابھی بھی جاری ہے۔
