Ilyas 
بھارتی اور برطانوی خفیہ اداروں سے رابطے قائم ہیں،وہ بتادیں کہ ایم آئی 6 سے رابطے کیوں کیے ؟ بھارتی قومی سلامتی کے مشیر اجیت دوول سے کیوں ملے؟
فضل الرحمان نے ملک اور بیرون ملک اربوں کی جائیداد بنارکھی ہے، کرپشن سے بنائی دولت پر پردہ ڈالنے کیلئے مذہبی لبادہ اوڑھ رکھا ہے، علی امین گنڈا پو ر
اسلا م آباد(نیوز ڈیسک) مولانا فضل الرحمان نے فرقہ وارانہ فسادات کے لیے فنڈ لئے ، بھارتی اور برطانوی خفیہ اداروں سے رابطے قائم ہیں ، وزیرامور کشمیر وگلگت بلتستان علی امین گنڈا پو ر نے جے یوآئی اور پی ڈی ایم کے سربراہ کا کچا چٹھا کھول دیا، علی امین گنڈا پور نے کہا کہ مولانافضل الرحمان یہ بھی بتادیں کہ ایم آئی سِکس سے رابطے کیوں کیے ؟ اسلام آباد میں پریس کانفرنس کے دوران انہوں نے مولانا فضل الرحمان سے سوال کیا کہ بھارتی قومی سلامتی کے مشیر اجیت دوول سے کیوں ملاقات کی؟علی امین گنڈا پور نے فضل الرحمان پر فرقہ وارانہ فسادات کیلئے فنڈز لینے کا بھی الزام لگایا ،گنڈا پور نے کہا کہ مولانا فضل الرحمان نے ملک اور بیرون ملک اربوں روپے کی جائیداد بنارکھی ہے،فضل الرحمان نے کرپشن سے بنائی دولت پر پردہ ڈالنے کیلئے مذہبی لبادہ اوڑھ رکھا ہے۔
