مردِمیدان ہیں ،چھپ کر شہید سلیمانی کا انتقام نہیں لیں گے(سپاہ پاسداران)

 ہمارا انتقام قطعی اور یقینی ہے، شہید قاسم سلیمانی کے بہیمانہ قتل میں ملوث دہشت گردوں کو کیفر کردار تک پہنچائیں گے، ہم سنجیدہ ہیں اور ایسا حقیقت میں ہو گا
ہم عین الاسد پر حملے کے بعد امریکی رد عمل دیکھ رہے تھے اگر جوابی کارروائی کی ہوتی تو ہم خطے میں امریکی وجود کو مکمل طور پر ختم کردیتے، میجر جنرل سلامی
 تہران (نیوز ڈیسک) ایران کی سپاہ پاسداران انقلاب اسلامی کے سربراہ میجر جنرل سلامی نے امریکی صدرٹرمپ کو مخاطب کرتے ہوئے کہا ہے کہ ہم شہید میجر جنرل قاسم سلیمانی کے قاتلوں کو کیفر کردار تک پہنچائیں گے، ہمارا انتقام قطعی اور یقینی ہے ،میجر جنرل حسین سلامی نے سپاہ پاسدارن کی مشترکہ پریڈ سے خطاب میں کہا کہ امریکی صدر ٹرمپ کو جان لینا چاہیے کہ ہم انتقام لینے میں سنجیدہ ہیں، ہم شہید قاسم سلیمانی کا انتقام ضرور لیں گے اور شہید قاسم سلیمانی کے بہیمانہ قتل میں ملوث دہشت گردوں کو کیفر کردار تک پہنچائیں گے، ہم سنجیدہ ہیں اور ایسا حقیقت میں ہو گا،انہوں نے کہا کہ ہم مرد میدان ہیں ہم چھپ کر انتقام نہیں لیں گے ہم ان افراد کو نشانہ بنائیں گے جو میجر جنرل سلیمانی کی شہادت میں بالواسطہ یا بلاواسطہ شریک تھے ،ہم شہید قاسم سلیمانی کی شہادت میں ملوث تمام افراد کو نشانہ بنائیں گے ہم اپنے قول و فعل میں سنجیدہ ہیں، ہم عین الاسد پر حملے کے بعد امریکی رد عمل دیکھ رہے تھے اگر تم (امریکا)نے جوابی کارروائی کی ہوتی تو ہم خطے میں تمہارے وجود کو مکمل طور پر ختم کردیتے