امارات کے بعد بحرین بھی فلسطین کے غداروں میں شامل

بحرین اور عرب امارات نے وائٹ ہاو ¿س میں اسرائیل کیساتھ معاہدہ پر دستخط کردئے، امیر بحرین امن عمل کو آگے بڑھانے کیلئے امریکی کردارکے معترف
تمام ممالک کے ساتھ بات چیت پر یقین رکھتے ہیں، سرائیل کے ساتھ معاہدہ مشرق وسطیٰ میں حقیقی اور دیر پا امن کے قیام میں مدد گار ثابت ہوگا،بحرین
مناما (نیوز ڈیسک) متحدہ عرب امارات کے بعد خلیجی ریاست بحرین نے بھی اسرائیل کو تسلیم کرتے ہوئے دو طرفہ تعلقات استوار کرنے کا اعلان کردیا،دونوں ممالک کے درمیان وائٹ ہاو ¿س میں معاہدے پر دستخط کردئے گئے، دونوں ممالک کے درمیان تعلقات کے قیام کو امریکی صدر ٹرمپ نے تاریخی لمحہ قرار دیا اور کہا کہ 30 دن کے کم عرصے میں دو عرب ممالک کا اسرائیل کو تسلیم کرنے کا یہ دوسرا واقعہ ہے،بحرین کے فرمانروا نے امریکی صدر ڈونلڈ ٹرمپ سے ٹیلیفون پر بات چیت بھی کی جس کے بعد نتن یاھو اور شاہ بحرین کے درمیان بات چیت ہوئی،امیر بحرین نے خطے میں امن عمل کو آگے بڑھانے کیلئے امریکا کے کردار کو سراہا اور کہا کہ اسرائیل اورعرب ملکوں کے درمیان تعلقات کے قیام سے مشرق وسطیٰ اور عالمی سطح پر امن مساعی کوآگے بڑھانے میں مدد ملے گی اور خطے میں معاشی خوش حالی آئے گی، بحرینی وزیر خارجہ ڈاکٹر عبداللطیف الزیانی نے دعویٰ کیا کہ اسرائیل کے ساتھ امن معاہدہ مشرق وسطیٰ میں حقیقی اور دیر پا امن کے قیام میں مدد گار ثابت ہوگا ، بحرین کے فرمانروا خطے کے تمام ممالک کے ساتھ بات چیت پر یقین رکھتے ہیں اور وہ ایک اچھے ہمسائے کے طور پر بقائے باہمی کے اصول پرکاربند ہیں