Raza Musani 
اسلام آباد: وفاقی وزیر مذہبی امور نور الحق قادری نے مجلس وحدت مسلمین پاکستان کے سربراہ علامہ راجہ ناصر عباس جعفری سے ان کی رہائش گاہ پر ملاقات کی، دونوں رہنماؤں نے قومی و بین الاقوامی سیاسی امور بالخصوص افغانستان کے بدلتے حالات پر تفصیلی تبادلہ خیال کیا، دونوں افراد نے ملک میں فرقہ وارانہ منافرت پھیلانے کے استعماری قوتوں کے ناپاک عزائم پر تشویش کا اظہار کیا، اس موقع پر سربراہ جماعت اہل حرم پاکستان مفتی گلزار احمد نعیمی، ایم ڈبلیو ایم کے مرکزی ڈپٹی سیکریٹری جنرل علامہ احمد اقبال رضوی، سید ناصر عباس شیرازی، پولیٹیکل سیکریٹری سید اسد عباس نقوی بھی موجود تھے۔
