فوج تمام چیلنجوں کو ناکام بنانے کیلئے تیار ہے،آرمی چیف

کرونا سے نمٹنے کیلئے فوج قومی کوششوں میں بھرپور معاونت کرے گی
 راولپنڈی (نیوزڈیسک)آرمی چیف جنرل قمرجاوید باجوہ نے کہا ہے کہ پاک فوج ریاستی اداروں اور قوم کے تعاون سے تمام اندرونی و بیرونی چیلنجوں کو ناکام بنانے کے لیے تیار ہے، کرونا وبا سے نمٹنے کے لئے پاک فوج قومی کوششوں میں بھرپور معاونت کرے گی،آرمی چیف جنرل قمر جاوید باجوہ کی زیر صدارت کور کمانڈرز کانفرنس ہوئی جس میں کور کمانڈرز نے کنٹرول لائن پر بھارتی فائرنگ سے شہریوں کو بچانے کے لیے تمام اقدامات کرنے کے عزم کا اظہار کیا ،کانفرنس میں لائن آف کنٹرول کی صورتحال ا ور مقبوضہ کشمیرمیں بھارتی ظلم و بربریت پر تبادلہ خیال سمیت افغان امن عمل میں مثبت پیش رفت کا بھی جائزہ لیا گیا،آئی ایس پی آر کے مطابق کور کمانڈرز کانفرنس میں بھارت کی ریاستی سرپرستی میں ہونے والی دہشت گردی اور پاکستان میں عدم استحکام پیدا کرنے کی کوششوں میں ملوث ہونے کے ناقابل تردید ثبوت ہونے پر تشویش کا اظہار کیا گیا۔