افغانستان میں تشدد کے واقعات میں تیزی آگئی

اہم شخصیات اور ڈاکٹرز قتل، قران خوانی کی محفل پر بم حملہ ،15شہید،20زخمی
کابل (نیوز ڈیسک) افغانستان میں تشدد کے واقعات میں تیزی آگئی ہے ،رواں ہفتے کئی اہم شخصیات کو نشانہ بنایا گیا،کابل میں فری اینڈ فیئر الیکشن فورم کے سربراہ یوسف راشدکو گولی مار کر قتل کیا گیا،کابل میں ہی رکن اسمبلی حاجی خان محمد کی گاڑی کو دھماکے سے اڑا دیا گیا تاہم وہ محفوظ رہے،دھماکے سے 9 افراد ک ہلاک اور 10 زخمی ہوگئے، کابل میں ہی ایک کار کو بم دھماکے میں اڑادیا گیا جس کے نتیجے میں ڈرائیور اور چار ڈاکٹرز ہلاک ہوگئے، ادھر غزنی کے ضلع گیلان میں ختمِ قران کی محفل میں بم دھماکے سے 15افرادجاں بحق اور 20زخمی ہوگئے، ایک گھر میں نماز جمعہ کے بعد قرآن خوانی کی محفل جاری تھی کہ باہر کھڑی موٹر سائیکل میں نصب بم پھٹ گیا ، ا ±دھر بگرام ایئربیس پر راکٹ حملہ کیا گیا ،ایئربیس پر قلندر خیل علاقے سے 5 راکٹ فائرکئے گئے ،