پاکستان میں فرقہ وارانہ کشیدگی، ترکی بھی کود پڑا

ترکی اپنا اثرورسوخ بڑھا کر پراکسیز پیدا کرنے میں مصروف ہے،سلیم صافی
اسلام آباد(نیوز ڈیسک) پاکستان میں فرقہ وارانہ کشیدگی میں ترکی بھی کود پڑا، اس بات کا انکشاف
سینئر صحافی اور اینکر پرسن سلیم صافی نے اپنے کالم میں کیا، سلیم صافی نے کہا کہ گزشتہ چند ماہ کے دوران اچانک فرقہ واریت کی نئی لہر مشاہدے میں آرہی ہے، اس کھیل میں بھارت سمیت دیگر ممالک شریک ہیں جن میں مسلمان ممالک بھی موجود ہیں اور اب اس فہرست میں ترکی نیا اضافہ ہے، سلیم صافی لکھتے ہیں کہ خفیہ ایجنسیاں گزشتہ تین چار ماہ سے پریشان اور سرگرداں ہیں جبکہ اب عام آدمی کو بھی نظر آگیا ہے کہ پاکستان میں فرقہ وارانہ فسادات کرانے کی منظم سازش ہورہی ہے، ترکی فرقہ واریت کو ہوا نہیں دے رہا لیکن وہ سیاسی اور تزویراتی مقاصد کے لیے اپنا اثرورسوخ بڑھا کر پراکسیز پیدا کرنے میں مصروف ہے، حکومت میں بھی بعض ایسے لوگ بیٹھے ہیں جو اس آگ کو دانستہ یا نادانستہ بھڑکا رہے ہیں