Ilyas امریکی صدر جو بائیڈن ماضی کی غلطیوں سے پرہیز کریں ،افغان سیاستدان
کابل (نیوز ڈیسک) افغان سیاست دانوں کا کہنا ہے کہ نئے امریکی صدر جو بائیڈن ماضی کی غلطیوں سے پرہیز کریں اور افغان عوام کو امن مذاکرات کی بھینٹ نہ چڑھائیں ،حزب وحدت اسلامی کے سربراہ محمد محقق نے کہا کہ امریکہ کے مستقبل کے صدر جوبائیڈن کو افغان امن مذاکرات کے عمل میں سماجی اقدار، خواتین اور دیگر طبقات اور انسانی حقوق کو نظرانداز نہیں کرنا چاہئے اور عوام کو امن مذاکرات کی بھینٹ نہیں چڑھانا چاہئے، اعلی امن کونسل کے سابق سربراہ عبدالحکیم مجاہد نے بھی کہا ہے کہ امریکہ کے نومنتخب صدر کو باہمی احترام اور دونوں فریقوں کے مفادات کے تناظر میں افغانستان کے ساتھ ہونے والے معاہدے میں کئے گئے وعدوں پر عمل کرنا چاہئے سابق صدر حامد کرزئی نے کہا تھا کہ افغان امن کے عمل پر امریکی انتخابات کے نتائج کا کوئی اثر نہیں پڑے گا
