Raza Musani 
نیویارک : عرب ممالک کے سفیروں نے برطانیہ کا سفارتخانہ تل ابیب سے القدس منتقل کرنے کے فیصلے کو غیر منصفانہ قراردیا ہے۔ اقوام متحدہ میں عرب ممالک کےسفیروں نے برطانوی وزیراعظم لزٹرس کو ایک خط لکھا ہے، جس میں سفارتخانہ منتقل نہ کرنے پر زوردیا گیا ہے اور لکھا ہےکہ یہ منصوبہ برطانیہ اورخلیج فارس تعاون کونسل کے درمیان آزادانہ تجارت کے معاہدے پر مذاکرات کوخطرے میں ڈال سکتاہے جوکہ اس سال مکمل ہوجائے گا۔ خط پر دستخط کرنے والوں میں متحدہ عرب امارات اور بحرین بھی شامل ہیں۔ جو اسرائیل سے باقاعدہ تعلقات قائم کرچکے ہیں۔ لندن میں فلسطینی سفیر حسام زوملوت نے کہا کہ سفارت خانے کا کوئی بھی اقدام بین الاقوامی قانون اور برطانیہ کی تاریخی ذمہ داریوں کی صریح خلاف ورزی ہو گا۔ یہ اقدام دو ریاستی حل کو کمزور کرتا ہے۔
