(کورونا وائرس کا وار)نائیجیریا میں سینکڑوں شیعوں کا قاتل مالم عبا کیاری ہلاک

صدر بوہاری کا چیف آف اسٹاف عباکیاری اصل صدر سمجھا جاتا تھا، وہ اپریل کے پہلے ہفتے میں کورونا وائرس کا شکار ہوااور 18اپریل کو اپنے انجام کو پہنچ گیا
اسلامی تحریک کو کالعدم قرار دینے کا حکمنامہ بھی عباکیاری نے جاری کیا،عدالت میں انکشاف،حکمنامہ کالعدم قرار دینے اور پابندی ختم کرنے کا مطالبہ
ابوجا (نیوز ڈیسک)نائیجیریا میں سیکڑوں شیعوں کا قاتل، آیت اللہ شیخ ابراہیم الزکزاکی کا بدترین دشمن اور صدر بوہاری کا چیف آف اسٹاف مالم عبا کیاری کورونا وائرس سے ہلاک ہوگیا، عباکیاری کو ملک کا اصل صدر اور طاقت کا سرچشمہ سمجھا جاتا تھا،وہ اپریل کے پہلے ہفتے میں کورونا وائرس کا شکار ہوا تھا ور اپریل کو ہلاک ہوگیا، نائیجیریا میں شیخ ابراہیم الزاکزاکی اور ان کے ماننے والے برسوں سے ظلم و جور کا شکار ہیں، اسلامی تحریک نے کالعدم قرار دینے کے خلاف دائر درخواست میں اس بات کی نشاندہی کی تھی کہ اس کیخلاف اقدامات عباکیاری نے اٹھائے اور 26جولائی 2019کو اس پر پابندی کا حکمنامہ بھی صدر بوہاری نے نہیں عباکیاری نے جاری کیا لہذا اسے کالعدم قرار دینے کا حکمنامہ غیر قانونی قرار دیتے ہوئے اس پر سے پابندی ختم کی جائے۔