گوگل میپ اور ایپل نے فلسطین کا نام نقشے سے نکال دیا

گوگل اور ایپل کا اقدام عالمی ضابطوں کی کھلی خلاف ورزی ہے،حماس
غزہ (نیوز ڈیسک) گوگل میپ اور ایپل نے فلسطین کا نام اپنے نقشے سے نکال دیا، حماس نے رد عمل ظاہر کرتے ہوئے اُسے تاریخی حقائق کے انکار سے تعبیر کیا ، حماس کے ترجمان حازم قاسم نے کہا ہے کہ گوگل اور ایپل نے غاصب صہیونی حکومت سے اپنی حمایت و جانبداری کا اعلان کر کے تاریخی حقائق کا انکار کیا ہے ، بین الاقوامی نقشوں سے فلسطین کا نام مٹانے سے غاصب صہیونیوں میں اپنے غیر قانونی منصوبوں کو عملی جامہ پہنانے کی مزید جرات پیدا ہو جائے گی، گوگل اور ایپل کا یہ اقدام بین الاقوامی ضابطوں کی کھلی خلاف ورزی ہے