آیت اللہ زکزاکی کے حامیوں پر فورسز کی چڑھائی،ایک صحافی جاں بحق

ابوجا میں تحریک اسلامی کے حامیوں کا شیخ زکزاکی کی رہائی کیلئے برگر چوک کے قریب احتجاجی مظاہرہ،فورسز کی مظاہرین پر شیلنگ اور براہ راست فائرنگ
گولیاں لگنے سے کئی مظاہرین زخمی،، تحریک اسلامی کاانسانی حقو ق کی تنظیموں سے نائیجیرین فورسز کے ظالمانہ اقدامات کا نوٹس لینے کا مطالبہ
ابوجا(نیوز ڈیسک)نائیجیریا میں سیکیورٹی فورسز ایک بار پھر شیخ ابراہیم زکزاکی کی رہائی کا مطالبہ کرنے والوں پر ٹوٹ پڑی،اہلکاروں کی فائرنگ سے معروف صحافی جاں بحق ہوگیا جبکہ کئی مظاہرین زخمی ہوگئے،ابوجا میں اسلامی تحریک کے حامیوں نے آیت اللہ شیخ زکزاکی کی رہائی کیلئے برگر چوک کے قریب احتجاجی مظاہرہ کیا،مظاہرین شیعہ رہنما کی رہائی کے حق میں اور بے گناہوں کو قتل کرنے والے سیکیورٹی حکام کو سزا دینے کا مطالبہ کررہے تھے، سیکیورٹی فورسز نے مظاہرین کو منتشرکرنے کیلئے شیلنگ کی اور پھر براہ راست گولیاں چلادیں،فائرنگ سے کئی مظاہرین زخمی ہوئے جبکہ گولیاں لگنے سے مشہور صحافی الیکزینڈر اوگ بھی دم تورڑ گئے، اسلامی تحریک کے رہنما عبداللہ موسی نے انسانی حقو ق کی تنظیموں سے نائیجیرین فورسز کے ظالمانہ اقدامات کا نوٹس لینے کا مطالبہ کیا ہے،انہوں نے کہا کہ پولیس ڈپٹی کمشنر
صحافی سمیت لاتعداد مظاہرین کے ماورائے عدالت قتل میں ملوث ہے،صحافی کا قتل بھی اتفاق نہیں،پولیس نے دعوی ٰ کیا ہے کہ مظاہرین کی جانب سے حملے کے بعد پولیس نے فائرنگ سے جواب دیا،جبکہ اسلامی تحریک نے پولیس کا موقف مسترد کردیا ہے۔