پی ایل او کے چیف مذاکرات کار ڈاکٹر صائب عریقات انتقال کرگئے

عریقات کورونا وائرس میں مبتلا تھے، فوجی اعزاز کے ساتھ سپرد خاک
مقبوضہ بیت المقدس(نیوزڈیسک) فلسطین لبریشن آرگنائزیشن (پی ایل او) کے سیکریٹری جنرل اور چیف مذاکرات کارڈاکٹر صائب عریقات کا انتقال کرگئے۔ ان کی عمر 65 سال تھی۔ عالمی وبا قرار دیے جانے والے کورونا وائرس میں مبتلا ہونے کے بعد وہ 18 اکتوبر سے مقبوضہ بیت المقدس کے ایک اسپتال میں زیر علاج تھے۔ صائب عریقات کی نماز جنازہ رام اللہ میں ادا کی گئی جس میں فلسطینی صدرمحمود عباس سمیت دیگر اعلیٰ حکام شریک ہوئے، صائب عریقات کی میت کو مکمل فوجی اعزاز کے ساتھ سپرد خاک کردیا گیا، صائب عریقات پی ایل او کے 30 سال سے زائد عرصے تک بین الاقوامی ترجمان کے فرائض سر انجام دیتے رہے تھے۔