بھارتی چیرہ دستیاں، ایمنسٹی نے سرگرمیاں روک دیں

 انسانی حقوق کی خلاف ورزیوں پر آواز اٹھانے پرظلم کا نشانہ بنایا گیا،ایمنسٹی
 نئی دہلی (نیوزڈیسک) مودی سرکا ر کی چیرہ دستیوں کی وجہ سے حقوق انسانی کی عالمی تنظیم ایمنسٹی انٹرنیشنل نے بھارت میں اپنی سرگرمیاں بندکردیں، ایمنسٹی انٹرنیشنل نے کہا ہے کہ انسانی حقوق کی خلاف ورزیوں کے خلاف آواز اٹھانے پر بھارتی حکومت کی طرف سے اسے جھوٹے اور من گھڑت الزامات لگا کر نشانہ بنایا گیا،گذشتہ دو برس سے انسانی حقوق کی عالمی تنظیم پر کیا جانے والا کریک ڈاو ¿ن اور اب اس کے اکاو ¿نٹس کو منجمد کرنا محض اتفاق نہیں، یہ اس سال کے اوائل میں دہلی فسادات اور جموں و کشمیر میں انسانی حقوق کی سنگین خلاف ورزیوں پر بھارتی حکومت کا احتساب کرنے کا نتیجہ ہے، بینک اکاو ¿نٹس منجمدہونے کے بعد اس نے ملازمین کو فارغ کر کے اپنی سرگرمیاں روک دی ہیں