فقہ جعفری کی مخالفت کی خبریں بے بنیاد ہیں،افغان طالبان

 رنگ و نسل اور مذہب و مسلک سے بالاتر ہوکر کام کرنا ہوگا،وحدت اسلامی
کابل(نیوز ڈیسک) طالبان رہنماسہیل شاہین نے کہا ہے کہ ہم نے فقہ جعفریہ کی کوئی مخالفت نہیں کی،ایسی خبروں میں کوئی صداقت نہیں، فقہ جعفری کی مخالفت والی خبریں من گھڑت اور بے بنیاد ہیں، وحدت اسلامی پارٹی کے سربراہ محمد محقق کا کہنا ہے کہ افغانستان کے شہری اس نتیجے تک پہنچ چکے ہیں کہ ہمیں ملک میں تمام مذاہب اور قوموں کا احترام کرتے ہوئے امن کی طرف بڑھنا ہوگا، افغان قوم نے ہرشہری کی نسلی ، لسانی اور مذہبی شناخت کو قبول کرلیا ہے،اگر ہم اسلام کو ایک ایسا مذہب سمجھتے ہیں جو ایک دن دنیا کا واحد مذہب گا تو، ہمیں باقی مسلمانوں کو مسترد نہیں کرنا چاہئے، ہمیں رنگ و نسل اور مذہب و مسلک سے بالاتر ہوکر کام کرنا ہوگا۔