حساس اداروں نے بھارت کا سائبر حملہ ناکام بنادیا

دشمن دفاعی حکام کے فونز اور دیگر آلات ہیک کرنا چاہتے تھے
اسلام آباد (نیوزڈیسک) پاکستانی حساس اداروں نے بھارت کا بڑا سائبر حملہ ناکام بنادیا، پاک فوج کے شعبہ تعلقات عامہ آئی ایس پی آر کے مطابق پاکستانی انٹیلی جنس اداروں نے ایک بڑے بھارتی سائبر حملے کا سراغ لگا لیا، دشمن نے پاکستان کے خلاف متعدد سائبر جرائم کا ارتکاب کرنے کی کوشش کی، بھارتی خفیہ ادارے دھوکہ دہی سے پاکستانی سرکاری اور دفاعی حکام کے موبائل فونز اور دیگر آلات ہیک کرنا چاہتے تھے ، دشمن کے خفیہ اداروں کے مختلف اہداف کی تحقیقات کی جا رہی ہیں، پاک فوج نے ان سائبر حملوں کو روکنے کیلئے ضروری حفاظتی انتظامات بڑھا دیے ہیں