مودی سرکار کشمیر کی مسلم شناخت ختم کررہی ہے ،پاکستان

بھارت کو کشمیر میں مسلم اکثریت کو اقلیت میں بدلنے سے روکا جائے
اسلام آباد(نیوزڈیسک) پاکستان نے عالمی برادری پر زور دیا ہے کہ وہ بھارت کو مودی کی آبادکاری اسکیم کے ذریعے مقبوضہ کشمیر میں مسلم اکثریت کو اقلیت میں بدلنے سے روکے، ذرائع کے مطابق اقوام متحدہ کی سلامتی کونسل کی مکمل سالانہ رپورٹ سے متعلق غیر رسمی اجلاس کے دوران پاکستان کے مستقل مندوب منیر اکرم نے کہا کہ کونسل نے ہندوتوا انتہا پسند گروپوں پر لگام ڈالنے کے لیے بہت کم کام کیا ہے جو پورے بھارت خصوصاً مقبوضہ کشمیر میں مسلمانوں کو دہشت زدہ کر رہے ہیں، انہوں نے کہا کہ بھارتیہ جتنا پارٹی اور آر ایس ایس کے گٹھ جوڑ پر مبنی حکومت مقبوضہ کشمیر میں خود کو حتمی حل کے نام سے موسوم کر رہی ہے، منیر اکرم نے کہا کہ آبادکاری کے ذریعہ آبادیاتی سیلاب کا مقصد کشمیری عوام کو تقسیم اور ان کو آزادانہ حقوق سے محروم کرنا اور ان کی مسلم شناخت کو ختم کرنا ہے