مغربی کنارے پر قبضے کا منصوبہ جنگی جرم ہے، عرب لیگ

بیت المقدس کے ساتھ خود مختار فلسطین کا قیام امت اسلامیہ کا بنیادی مقصد ہے
جدہ (نیوز ڈیسک) عرب لیگ نے فلسطین کے مغربی کنارے کے علاقوں کو مقبوضہ علاقوں میں شامل کرنے کے صہیونی منصوبے کو جنگی جرم قرار دیا ہے،عرب لیگ کے بیان میں کہا گیاہے کہ بیت المقدس کی مرکزیت کے ساتھ ایک خود مختار فلسطین کا قیام امت اسلامیہ کا بنیادی مقصد ہے، عرب لیگ نے فلسطین کے مغربی کنارے کے مزید علاقوں کو صہیونی علاقوں میں شامل کرنے کے نتائج سے سخت خبردار کرتے ہوئے کہا کہ غاصب صہیونی حکومت کا یہ اقدام بین الاقوامی ضابطوں کے خلاف اور عالمی امن و صلح کے لئے بڑا خطرہ ہے،عرب لیگ نے فلسطین کے تعلق سے بین الاقوامی قوانین اور ضابطوں کی پاسداری اور ان کے نفاذ کے لئے عملی اور سنجیدہ قدم اٹھانے کا بھی مطالبہ کیا۔