بھارت کا بھی عازمین کو حج کیلئے نہ بھیجنے کا فیصلہ

حج درخواستیں دینے والوں کو 100فیصد رقوم کی واپسی سہولت فراہم
نئی دہلی (نیوز ڈیسک) انڈونیشیاکے بعد بھارت نے بھی رواں سال عازمین حج کو نہ بھیجنے کا فیصلہ کرلیااور حج درخواستیں دینے والوں کو 100فیصد رقوم واپس لینے کی سہولت فراہم کر دی ہے، بھارت کی حج کمیٹی نے یہ فیصلہ سعودی حکام کی جانب سے کوئی واضح جواب نہ ملنے پر کیا ، بھارت سے ایک لاکھ 70ہزار عازمین ہر سال حج کیلئے جاتے ہیں ،حج کمیٹی کے سرکلر میں کہا گیا ہے جمع کرائی گی رقم کی تفصیل کا فارم پر کر کے جمع کرا دیں اور متعلقہ بنکوں سے پوری کی پوری رقم واپس وصول کریں۔