بھارت میں اقلیتوں بالخصوص مسلمانوں میں خوف پایا جاتا ہے،یورپی پارلیمنٹری سروس کوروناکی آڑمیں بھارت میں مسلمانوں کو قربانی کا بکرا بنایا جا رہا ہے

برسلز/واشنگٹن(نیوز ڈیسک) یورپی پارلیمنٹری ریسرچ سروس کی ایک رپورٹ میں مقبوضہ کشمیر کے محاصرے پر سخت تشویش کا اظہار کیا گیا ہے ، رپورٹ میں کہا گیا ہے کہ بھارت نے گزشتہ سال سے مقبوضہ کشمیر کا محاصرہ کیا ہوا ہے، اس دوران وادی میں متعدد لوگ گرفتارکئے جا چکے ہیں، مقبوضہ کشمیر میں انٹرنیٹ سمیت مواصلاتی نظام بھی معطل ہے ، نئے متنازعہ سٹیزن ایکٹ سے بھارت میں تشدد بڑھا، بھارت میں اقلیتوں بالخصوص مسلمانوں میں خوف پایا جاتا ہے، خراب معاشی حالات سے توجہ ہٹانے کے لیے مودی سرکار نے ایسا رویہ اپنایا ، امریکی سفیر برائے مذہبی آزادی سیموئل براو¿ن بیک نے میڈیا سے گفتگو کرتے ہوئے کہا کہ کوروناکی آڑمیں بھارت میں مسلمانوں کو قربانی کا بکرا بنایا جا رہا ہے ، کورونا وائرس پر مسلمانوں کو ہراساں کیا جا رہا ہے، مسلمانوں سے متعلق جھوٹ بھی پھیلایا جا رہا ہے اور جھوٹی خبروں کو بنیاد بنا کر مسلمانوں پر حملے کیے جا رہے ہیں۔