کورونا وائرس، عالمی پیداوار کو 9 ہزار ارب ڈالرکا نقصان

ترقی یافتہ معیشتیں 7 فیصد تک سکڑاو¿ کاسامنا کرسکتی ہیں،عالمی بینک
اسلام آباد (نیوزڈیسک ) کوروناوائرس کی عالمگیر وبا کی وجہ سے عالمی معیشت کی مجموعی پیداوار کو 9 ہزار ارب ڈالرکے نقصان کا سامنا ہے ، اگرکورونا وائرس کی دوسری لہر سامنے نہیں آتی ہے تو اس صورت میں 2019 کے مقابلے میں 2020 میں برطانیہ کی جی ڈی پی میں منفی 11.5، فرانس منفی 11.4، اٹلی منفی 11.3، اسپین منفی 11.1، یوروخطہ منفی 9.1، روس منفی 8، کینیڈامنفی 8، برازیل منفی 7.4، امریکامنفی 7.3، امریکا منفی 7.3، جرمنی منفی 6.6، جاپان منفی 6، بھارت منفی 3.7 اورچین منفی 2.6 فیصد تک گرسکتی ہے، قومی اقتصادی جائزہ کے مطابق اس وبا سے پاکستان کی جی ڈی پی کو 3 ہزارارب روپے کے نقصان کا اندازہ ہے،وائرس سے قبل اقتصادی بہتری کیلئے اٹھائے جانیوالے اقدامات کے نتیجہ میں پاکستان کی جی ڈی پی میں 3 فیصد تک اضافہ کا امکان تھا تاہم وبا کی وجہ سے یہ اب منفی 0.4 فیصد تک رہنے کاامکان ہے ،عالمی بینک نے خبردارکیاہے کہ ترقی یافتہ معیشتیں 7 فیصد تک سکڑاو¿ کاسامنا کرسکتی ہیں جس کے اثرات ان ابھرتی ہوئی ترقی پذیر معیشتوں کو منتقل ہوجائیں گے