اسٹاک ایکسچینج پر حملہ بھارت کی سازش ہے ،پیر اعجاز احمد ہاشمی

 لاہور ( پ ر ) جمعیت علمائے پاکستان کے مرکزی صدر اورنائب صدر متحدہ مجلس عمل پیر اعجاز احمد ہاشمی نے کراچی اسٹاک ایکسچینج میں دہشت گردوں کے حملے کی مذمت کرتے ہوئے اسے پاکستان کی دشمن قوت بھارت کی سازش قراردیا ہے اور کہا ہے کہ ہندوستان کو پاکستان میں امن اور ترقی برداشت نہیں ہو رہی،سیکیورٹی فورسز کی محنت اور عوام کے تعاون سے کراچی میں امن و امان بہتر ہوا، بھارتی ایجنسی را کی ایجنٹ سیاسی تنظیم کا کباڑہ ہوا،کراچی میں دہشت گردی کا بانی اب منہ چھپاتا پھر رہا ہے، اس شکست پرپریشان بھارتی لابی نے کراچی سٹاک ایکسچینج کا حملہ کروایا ہے