کراچی: تخریب کاری کا منصوبہ ناکام،4دہشت گرد گرفتار

10 ڈیٹونیٹر، ریموٹ، بونا کارڈ، 3 ہینڈ گرینڈ اور 2 کلاشنکوف برآمد
کراچی(نیوز ڈیسک)کراچی پولیس نے دہشت گردی کا منصوبہ ناکام بناکر القاعدہ برصغیر کراچی نیٹ ورک کے 4 دہشت گرد پکڑلئے، ایس ایس پی سی آئی اے عرفان بہادر نے بتایا کہ گرفتار دہشت گردوں میں محمد عمر، محمد بلال، محمد وسیم اور محمد عامر شامل ہیں، ان کے قبضے سے 10 ڈیٹونیٹر، ریموٹ اور ریسیور برائے آئی ڈی، بونا کارڈ، 3 ہینڈ گرینڈ اور 2 کلاشنکوف برآمد کئے گئے ہیں، عرفان بہادر نے کہا کہ چاروں ملزمان کراچی میں بڑی تخریب کاری کرنا چاہتے تھے، انہوں نے سٹی کورٹ، پولیس ٹریننگ سینٹر،پاکستان اسٹاک ایکس چینچ اور حساس اداروں کے دفتروں کی ریکی کر رکھی تھی، اور افغانستان سے دہشت گردی کی تربیت بھی حاصل کی ہوئی تھی۔