بھارتی حکومت کشمیریوں کو انصاف فراہم کرے، ہیومن رائٹس واچ

مقبوضہ وادی میں انسانی حقوق کی خلاف ورزیوں میں ملوث افراد کا احتساب کیا جائے
لندن (نیوز ڈیسک) انسانی حقوق کی عالمی تنظیم ہیومن رائٹس واچ نے مقبوضہ کشمیر میں جاری بھارتی ہٹ دھرمی کو ختم کرنے اور کشمیریوں کو انصاف فراہم کرنے کا مطالبہ کیا ہے ،ہیومن رائٹس واچ نے بھارت سے وادی میں آزادی اظہار رائے پر عائد پابندیاں ہٹانے، انٹرنیٹ سروسز بحال کرنے، انسانی حقوق کی خلاف ورزیوں میں ملوث افراد کا احتساب کرنے اور وادی میں غیر منصفانہ پالیسیوں کو ختم کر کے استحصال کا شکار کشمیریوں کو فوری انصاف فراہم کرنے کا مطالبہ کیا ہے، بھارت نے ایک سال پہلے وادی میں پابندیاں لگا کرسینکڑوں بچوں سمیت ہزاروں افراد کو غیرقانونی طور پر گرفتار کیا، انہوں نے مطالبہ کیا کہ بھارت فوری طور پر سیاسی قیدیوں کو رہا کر کے صحافیوں اور سماجی کارکنوں کے خلاف مقدمات ختم کرے