او آئی سی رکن ممالک نے کبھی مسئلہ کشمیر نہیں اٹھایا

رکن ممالک نے کشمیریوں کے بنیادی انسانی حقوق کیلئے بھی آواز نہیں اٹھائی
اسلام آباد (نیوز ڈیسک) اسلامی کانفرنس تنظیم کے کسی رکن ملک نے باہمی تعلقات کی وجہ سے بھار ت کے سامنے کبھی مسئلہ کشمیر نہیں اٹھایا،نہ ہی بھارت پر زور دیاکہ کشمیریوں کے بنیادی انسانی حقوق کا خیال رکھا جائے اور سلامتی کونسل کے مطابق مسئلے کے حل کیلئے کوششوں میں تیزی لائی جائے،یہ بات انگریزی روزنامے نے اپنی ایک رپورٹ میں بتائی،او آئی سی کے پہلے خصوصی ایلچی برائے جموں و کشمیر یوسف ایم الدوبی نے مئی 2019 میں تقرر کے بعد پاکستان کا دورہ کیا اور پانچ دن قیام کیا ، انہوں نے کئی مرتبہ ورچوئل کانفرنس کے ذریعے کشمیر رابطہ گروپ کے اجلاسوں میں شرکت کی لیکن کبھی اجلاس میں رپورٹ پیش نہیں کی، او آئی سی کشمیر رابطہ گروپ نے مقبوضہ کشمیر کی حیثیت تبدیل کرنے کے بعد صرف ایک مرتبہ مقبوضہ کشمیر کے ایشو پر بات کی تھی