افغان مہاجرین کی رضاکارانہ واپسی کا عمل دوبارہ شروع

اقوام متحدہ ہرافغان پناہ گزین کو 200 ڈالرفراہم کرے گا، ترجمان ہائی کمشنر
پشاور(نیوزڈیسک)افغان پناہ گزینوں کی خیبرپختونخوا سے رضاکارانہ وطن واپسی کا عمل دوبارہ شروع ہوگیا ہے، پناہ گزینوں کے بارے میں اقوام متحدہ کے ہائی کمشنر کے ترجمان قیصر آفریدی نے بتایا ہے کہ افغانستان واپس جانے کے خواہشمند پناہ گزینوں کے اندراج کیلئے ضلع نوشہرہ کے علاقے آزہ خیل میں ایک مرکز قائم کیا گیا ہے ، مرکزمیں پناہ گزینوں کا اندراج صرف پیراورمنگل کو ہوگا۔انہوں نے کہا کہ پناہ گزینوں کے بارے میں اقوام متحدہ کے ہائی کمشنر کا ذیلی دفترہرافغان پناہ گزین کو افغانستان میں آبادکاری کے بعد تقریباً 200ڈالرفراہم کرے گا،پاکستان میں غیرقانونی طور پر لاکھوں افغان مہاجرین آباد ہیں