نائجیریا: پولیس پھر عزاداروں پر ٹوٹ پڑی،3شہید ،درجنوں زخمی

 حین بیلو میں عزاداروں نے شہید کربلا کی یاد میں جلوس نکالا، پولیس نے جلوس روکنے کیلئے آنسو گیس کے گولے داغے اور پھر اندھادھند فائرنگ شروع کردی
 گولیاں لگنے سے 3عزادار شہید، درجنو ں زخمی ،پولیس اہلکاروں نے گاڑیاں تباہ کردیں، پولیس کے حملوں میں اب تک سیکڑوں عزادار شہید ہو چکے ہیں
ابوجا(نیوز ڈیسک) نائجیریا کے صوبہ کادونامیں پولیس ایک بار پھر عزاداران حسینی پر ٹوٹ پڑی ،جلوس عزا پراندھا دھند فائرنگ سے3عزادار شہید اور کئی زخمی ہوگئے، واقعہ 22اگست کو کادونا صوبے کے علاقے حین بیلو میں پیش اس وقت پیش آیا جب عزاداروں نے شہید کربلا کی یاد میں جلوس نکالا، پولیس نے بغیر کسی اشتعال کہ پہلے جلوس کو روکنے کیلئے آنسو گیس کے گولے داغے اور پھر اندھادھند فائرنگ شروع کردی جس سے درجنوں عزادارزخمی ہوگئے اور تین جام شہادت نوش کرگئے، پولیس فائرنگ سے عزاداروں کی گاڑیاں بھی چھلنی ہوگئیں اور بعض گاڑیوں میں اہلکاروں نے آگ لگادی، عزاداروں اور ماتمی دستوں پر نائجیریا کی پولیس کے حملوں میں اب تک سیکڑوں عزادار شہید ہو چکے ہیں، پانچ سال پہلے 13دسمبر کو فوج نے کادونا کے شہر زاریا کی امام بارگاہ پر حملہ کر کے آیت اللہ ابراہیم زکزکی اور ان کی اہلیہ کو گرفتار کر لیا تھا اور آیت اللہ زکزکی کے تین بیٹوں سمیت سیکڑوں مظاہرین کو شہید کر ڈالا تھا