ظلم کی انتہا، بھارتی فوج نے جعلی مقابلے میں 3 کشمیری جوان شہیدکردئے

تینوں شہدا کی تدفین بھی کردی، کام کی تلاش میں گھروں سے نکلے تھے
سری نگر (نیوز ڈیسک) بھارت نے معصوم کشمیری خاندان پر ظلم کی انتہا کر دی، پاکستانی قرار دیتے ہوئے جھوٹے اور من گھڑت الزام لگا کر 3 کشمیری نوجوانوں کو شہید کر دیا تاہم ان نوجوانوں کے اہلخانہ نے سوشل میڈیا پر پوسٹ ہونیوالی تصاویر میں ان نوجوانوں کو شناخت کرلیا، لواحقین کا کہنا تھا کہ 18 سالہ ابرار کھٹانہ، 21 سالہ امتیاز احمد اور 25 سالہ ابرار احمد 16 جولائی کو کام کی تلاش میں سری نگر جانے کے لیے اپنے گھروں سے نکلے تھے، جس کے بعد ان سے رابطہ منقطع ہو گیا تھا، قابض بھارتی فوج نے کہا تھا کہ 3 نوجوان 18 جولائی کو جھڑپ کے دوران مارے گئے ہیں۔ ظالم قابض بھارتی فوج نے ان تینوں نوجوانوں کو قتل کرنے کے بعد خود ہی ان کی تدفین بھی کر دی تھی۔نوجوانوں کو پاکستانی قرار دیکر بھارتی فوج نے شہید کردیا تھا اور ان شہداءکی تصاویر سوشل میڈیا پر پوسٹ کردی گئیں۔ سوشل میڈیا پر تصاویر دیکھ کر ان نوجوانوں کے اہلخانہ کو علم ہوا کہ ان کے پیارے شہید کیے جا چکے ہیں