رام مندر کاسنگ بنیاد،مودی کے نفرت انگیز منشور کی تکمیل

بابری مسجد کی جگہ رام مندر کی تعمیر میں دو سال اور 8 ماہ لگیں گے
ایودھیا(نیوز ڈیسک) وزیراعظم نریندر مودی نے بابری مسجد کی جگہ مندر کا سنگ بنیاد رکھ کر اپنی جماعت بی جے پی کی مسلم دشمنی اور نفرت آمیز منشور کی تکمیل کردی ، رام مندر کی تعمیر کا سنگ بنیاد رکھنے سے پہلے مودی نے ہنومان گڑھی مندر میں بھومی پوجن کی رسومات بھی ادا کیں، 161 فٹ بلند رام مندر کی تعمیر میں دو سال اور 8 ماہ لگیں گے، خوف زدہ بھارتیہ جنتا پارٹی کی انتظامیہ نے ایودھیا میں سخت سیکیورٹی نافذ کی اور جگہ جگہ قانون نافذ کرنے والے اداروں کے اہلکار تعینات کیے گئے تھے جب کہ مندر کے سنگ بنیاد رکھنے کی تقریب میں صرف 175 مہمانوں کو مدعو کیا گیا