اہل تشیّع نے ہمیشہ مثبت کردار دا کیا،حکومتی جانبداری افسوسناک ہے،آیت اللہ ریاض نجفی

ہماراملک کسی مذہبی کشیدگی کا متحمل نہیںہوسکتا،خطبہ جمعہ
 لاہور(پ ر) کچھ لوگ مسلکی کشیدگی پیدا کرنے کے لئے مسلسل غیر ذمہ دارانہ بیانات دے رہے ہیں،ہماراملک کسی مذہبی کشیدگی کا متحمل نہیںہوسکتا۔بھارت ہمارا ازلی دشمن ہے۔ کشمیریوں کی مظلومیت ہمارے سامنے ہے۔افغانستان کی صورت حال کا اندازہ کیا جا سکتا ہے۔سرور کائنات حضور اکرم صلی اللہ علیہ وآلہ وسلم اور قرآن قیامت تک کے انسانوں کے لئے ہادی ہیں ۔اان خیالات کا اظہاروفاق المدارس الشیعہ پاکستان کے صدر آیت اللہ حافظ سید ریاض حسین نجفی نے جامع علی مسجد جامعتہ المنتظر میں خطبہ جمعہ دیتے ہوئے کیا۔انہوں نے واضح کیا کہ اہل تشیّع نے ہمیشہ مثبت کردار دا کیاہے، عشرہءمحرّم الحرام امن و امان کے ساتھ گزر گیا،اہلِ تشیّع نے نظم وضبط کا ثبوت دیا۔اگر کسی نے غیر ذمہ داری کا ثبوت دیتے ہوئے کسی مسلک کے اکابرین کے خلاف بات کی تو اُن کے خلاف قانونی اقدامات کی کسی نے مخالفت نہیں کی لیکن حکومتی جانبداری افسوسناک ہے ۔ بعض لوگوں نے امیرالمومنین علیؑ اور امام حسینؑ کے خلاف زبان درازی کی مگر ان کے خلاف کارروائی نہ کی گئی۔