کورونا کی آڑ میں بھارتی مسلمان نشانہ بن رہے ہیں،شاہ محمود قریشی

اسلام آباد(نیوز ڈیسک) وزیر خارجہ شاہ محمود قریشی کا کہنا ہے کہ کورونا کی آڑ میں بھارت میں مسلمانوں کو نشانہ بنایا جارہا ہے ،شاہ محمود قریشی نے اسلامی تعاون تنظیم کے جنرل سیکریٹری اور رکن ممالک کو خط میں مودی حکومت کے مسلمانوں پر مظالم سے آگاہ کیا گیا ،شاہ محمود قریشی نے کہا کہ جو بھارت پاکستان پر الزامات لگاتا تھا خود اقلیتوں کو نشانہ بنارہا ہے، کورونا وائرس کے مسلمان مریضوں سے بھی امتیازی سلوک کیا جارہا ہے، بھارت میں مسلمان مریض اسپتال جاتا ہے تو اسے کہا جاتا ہے واپس جائیں ،انہوں نے کہا کہ مقبوضہ کشمیر میں اب بھی انٹرنیٹ بند ہے لوگوں کو رسائی نہیں دی جارہی، بھارت میں مسلمانوں کی دکانوں سے خریدوفروخت نہیں کی جارہی ، بھارت میں مسلمانوں کےلئے سنگین خطرہ بن چکا ہے۔ مسلمان مریضوں سے بھی امتیازی سلوک کیا جارہا ہے