کشمیری مجاہدین کا حملہ ،بھارتی کرنل سمیت 5 اہلکار ہلاک

2کشمیری شہید ،گھر گھر تلاشی کے دوران خواتین کیساتھ بدتمیزی
سرینگر(نیوز ڈیسک) ضلع کپواڑا میں مسلح افراد کے حملے میں بھارتی فوج کے کرنل اور میجر سمیت 5 اہلکار ہلاک ہوگئے، ہنڈوارا میں بھارتی افواج کی جانب سے آپریشن جاری تھا کہ اسی دوران نامعلوم افراد نے فائرنگ کردی ، واقعہ کے بعد بھارتی افواج کی فائرنگ سے 2 کشمیری بھی شہید ہوگئے، واقعہ کے بعد علاقے میں بھارتی فورسز کی بھاری نفری طلب کرلی گئی اور علاقے کا محاصرہ کرکے حملہ آوروں کی تلاش کیلئے سرچ آپریشن کیا گیا، گھر گھر تلاشی کے دوران خواتین کیساتھ بدتمیزی کی گئی، بزرگوں اور بچوں کو ہراساں کیا گیا اور نوجوانوں کو غیر قانونی طور پر گرفتار کرلیا گیا۔