امریکا کا بھارت کو حساس ہتھیار فروخت کرنے کا فیصلہ

جنوبی ایشیا کی سلامتی کی ابتر صورتحال مزید خراب ہو سکتی ہے،پاکستان
اسلام آباد(نیوز ڈیسک) پاکستان نے کہا ہے کہ امریکی ہارپون میزائلوں کی بھارت کو فروخت پریشان کن ہے، بھارت کو حساس ہتھیاروں کی فروخت سے خطہ عدم استحکام کا شکار ہوجائے گا،امریکی ہارپون میزائلوں کی بھارت کو فروخت اور تکنیکی تعاون کی فراہمی کورونا وبا کے خلاف جنگ کے تناظر میں پریشان کن ہے،جنوبی ایشیا کی سلامتی کی ابتر صورتحال مزید خراب ہو گی،عائشہ فاروقی نے کہا کہ پاکستان کئی مرتبہ عالمی برادری کو بھارتی جارحانہ عزائم سے آگاہ کر چکا ہے اور بھارت کو میزائلوں کی فراہمی جنوبی ایشیا کی سلامتی کی ابتر صورتحال مزید خراب کر سکتی ہے۔انہوں نے کہا کہ امریکہ، بھارت کو 15 کروڑ 50لاکھ ڈالرز کی لاگت سے 10ہارپون میزائل اور 19ٹارپیڈوز فروخت کر رہا ہے۔