Ilyas 
ایک شادی شدہ کامیاب زندگی کے لیے کون سی چیزیں ضروری ہیں
شادی شدہ کامیاب زندگی کے لیے مندرجہ ذیل نکات کی طرف توجہ ضروری ہے۔
میاں بیوی کا رشتہ محبت پر استوار ہو*
ایک دوسرے کے شرعی حقوق کا خیال رکھتے ہوۓ ایک دوسرے کی غلطیوں سے درگذر کرنا اور اس بات کی کوشش کرنا کہ زندگی کی بنیاد محبت پر ہو اور جو بیوی نکاح دائم میں ہے اس کے لیے حرام ہے کہ شوہر کی اجازت کے بغیر گھر سے باہر جائے مگر یہ کہ ضروری ہو یا گھر میں رہنا اس کے لیے موجب حرج و مشقت شدید ہو یا گھر اس کی شان کے مطابق نہ ہو اور اسے چاہیے کہ خود کو جنسی لذتوں کی لیے جو کہ شوہر کا حق ہے اس کے اختیار میں قرار دے اور کسی شرعی عذر کے بغیر ہمبستری کرنے سے اسے منع نہ کرے۔
نان و نفقہ کی فراہمی شوہر کی ذمہ داری ہے*
گھر، غذا، لباس اور ضروریات زندگی کا مہیا کرنا شوہر پر واجب ہے اور اگر وہ مہیا نہ کرے خواہ قدرت رکھتا ہو یا نہ رکھتا ہو اپنی بیوی کا مقروض ہے اور بیوی کے حقوق میں سے ہے کہ مرد اس کو آزار و اذیت نہ پہنچاۓ اور کسی شرعی وجہ کے بغیر اس سے سختی سے پیش نہ آۓ اور اگر بیوی اپنے ازدواجی وظائف پہ کچھ بھی عمل نہ کرے تو گھر،لباس اور غذا وغیرہ کے مطالبے کا حق نہیں رکھتی اگرچہ اس کے پاس رہے۔
بیوی گھر کے کام کرنے پر مجبور نہیں ہے.
مرد بیوی کو گھر کے کاموں پر مجبور نہیں کر سکتا۔ مستحب ہے کہ عورت گھر کے کام کو انجام دے۔ جس عورت کے اخراجات اس کے شوہر پر واجب ہیں اور وہ اس کا خرچ نہیں دیتا تو وہ شوہر کی اجازت کے بغیر اس کے مال سے اپنا خرچ لے سکتی ہے۔ البتہ شوہر کی شان کے مطابق ہو۔ اگر ممکن نہ ہو اور حاکم شرع سے رجوع کر کے وصول بھی نہ کر سکتی ہو تو کام کر کے اپنی ضروریات کو پورا کر سکتی ہے اور جس وقت اپنی ضروریات کو مہیا کرنے میں مصروف ہے شوہر کی اطاعت واجب نہیں ہے۔
